Lajme

Bashkimi Evropian ka ofruar ndihmë substanciale për Kuvendin e Kosovës që nga viti 2006. Që nga viti 2008, Kuvendi u mbështet nga tre Projekte Binjakëzimi me vlerë të përgjithshme prej 3,05 milion euro, të zbatuara në periudhën 2011 – 2018.
Objektivat kryesore të këtyre tri projekteve ishte:

1. Përmirësimi i procesit legjislativ në Kuvend;
2. Fuqizimi i praktikave menaxhuese në Kuvend në menaxhimin e burimeve financiare dhe buxhetore, burimeve njerëzore dhe sistemit të TIK;
3. Fuqizimi i funksionit mbikëqyrës të Kuvendit në seanca plenare dhe komisione;
4. Përgatitja për integrimin në BE; dhe
5. Ofrimi i mbështetjes administrative për deputetët në lidhje me detyrat në procesin e integrimeve evropiane.

Para përgatitjes së mbështetjes së re për Kuvendin, Zyra e BE-së në Kosovë në tetor 2018 inicioj një vlerësim të pavarur të këtyre tre Projekteve të Binjakëzimit. Konkluzionet e vlerësimit përfshijnë të gjeturat në lidhje me rëndësinë, efikasitetin, efektivitetin, ndikimin, qëndrueshmërinë, vlerën e shtuar nga BE dhe koherencën e tre Projekteve të Binjakëzimit.

Ky vlerësim paraqet një mjet shumë të dobishëm për planifikimin e mbështetjes për Kuvendin në të ardhmen.

Ju lutemi shihni më shumë detaje në raportin në linkun më poshtë:

Raporti përfundimtar i vlerësimit

Plani i Veprimit për Kuvendin e Kosovës (vetëm në gjuhën angleze)

Foto nga FLICKR:

Opening Ceremony of the twinning project: Further Support to Kosovo Assembly

Twinning project: Supporting the Kosovo Assembly – closing event 21 Feb 2018

RELATED PICTURES & VIDEOS

Projekti i Kogjenerimit i financuar nga BE-ja është një hap në drejtimin e duhur për të siguruar furnizimn me ngrohje shumë të nevojshme për qytetarët e Kosovës gjatë dimrit. Ky ishte përfundimi me të cilin u pajtuan panelistët gjatë diskutimit Efiçienca e Energjisë – Kogjenerimi dhe Ngrohja e Qytetit në Prishtinë. Diskutimi u organizua si pjesë e fushatës për mjedisin #JEPIMUNDËSIGJELBËRIMIT, e financuar nga Zyra e Bashkimit Evropian.

Pjesëmarrësit e debatit patën mundësinë të mësojnë më shumë për rëndësinë e efiçincës së energjisë, si dhe të shkëmbejnë idetë rreth përmirësimit të mjedisit në Kosovë. Projekti i Kogjenerimit është një shembull i prekshëm i zgjidhjes afatgjate për sfidat me të cilat ballafaqohet Kosova lidhur me efiçiencën e energjisë. Me një investim prej 13.8 milionë eurosh, BE-ja synon të përmirësojë funksionimin e ngrohtores së qytetit në Prishtinë duke ulur kështu edhe emetimin e CO2 në Kosovë. Përmes ndërtimit të një lidhjeje me tuba midis rrjetit të ngrohjes ‘Termokos’ në Prishtinë dhe termocentralit ‘Kosova B’, ky qëllim tani është bërë realitet.

Libor Chlad, Zëvendës Shef i Bashkëpunimit në Zyrën e BE-së në Kosovë/PPBE, përmendi rezultatet pozitive që ka projekti për qytetarët e Prishtinës. Jo vetëm që ajri do të jetë më pak i ndotur, por edhe 12.000 amvisëri dhe 60.000 qytetarë do të ndiejnë përfitimet e këtij projekti dhe do të kenë furnizim 24 orë me ngrohje. Megjithatë, sipas Chlad, sektori i energjisë në Kosovë ende përballet me sfida të mëdha; intensiteti i energjisë është rreth katër herë më i lartë se mesatarja e BE-së; dhe sektori i energjisë mbetet një nga ndotësit më të mëdhenj në Kosovë. Prandaj Chlad bën thirrje për një debat mbarëkombëtar mbi mënyrën e ngritjes së furnizimit dhe sektorit të energjisë në Kosovë. “Shikoni brenda Kosovës për burime energjie, dhe përdorni teknologjitë e reja të disponueshme”, theksoi Chlad.

Shpend Ahmeti, kryetari i Prishtinës, ishte i të njëjtit mendim me panelistët. Projektin e Kogjenerimit ai e quajti “një privilegj”, por i cili tashmë kërkon zgjerim të mëtejmë. “Kosova duhet të ulë përdorimin e drurit dhe qymyrit si burime energjie dhe më shumë qytetarë duhet të lidhen me ngrohtoren e qytetit”, tha Ahmeti. Kjo është arsyeja pse Kosova së bashku me BE-në, tani përqendrohet në krijimin e ngrohtoreve qendrore në mbarë vendin në Kosovë. BE do të mbështesë këto angazhime të ardhshme dhe do të përmirësojë mjedisin në Kosovë me 19 milionë euro shtesë në kuadër të fondeve IPA 2015.

Pra, le t’i japim mundësi gjelbërimit dhe të vazhdojmë rritjen e furnizimit me ngrohje dhe të bëjmë përmirësime për të mbrojtur mjedisin në Kosovë.

RELATED PICTURES & VIDEOS

Zyra e Bashkimit Evropian në Kosovë dhe Ministria e Integrimit Evropian, paralajmërojnë hapjen e ardhshme të konkursit për Raundin e 12-të të aplikimit për Skemën e Celulës së të Rinjëve, programi i BE-së për bursa post-diplomike për Kosovë, program i cili aktualisht është duke u implementuar nga British Council. Aplikimi do të jetë i hapur nga 12 Nëntor deri më 3 Dhjetor 2018.  Kandidatëve të suksesshëm do t’iu ofrohet mundësia të përfundojnë Programin Master një vjeçar në universitete të shteteve anëtare të BE-së. Programi i Bursave, gjuha e punës e së cilit është vetëm gjuha Angleze, do të ofroj deri në 40 bursa të plota, deri në 10% të bursave në dispozicion do të jenë të rezervuara për shërbyesit civil që aktualisht janë të punësuar në administratën publike(numri real i bursave të ofruara mund të ndryshoj varësisht nga përshtatshmëria e kandidatëve dhe fondet në dispozicion). Kjo ftesë do të jetë e hapur për studentët e diplomuar në fakultetet si: juridik, shkenca politike, menaxhment i biznesit, ekonomi, shkenca shoqërore, histori, shkenca humane, marrëdhenie ndërkombëtare, diplomaci, kriminologji dhe fusha të tjera akademike (siç është specifikuar në Rregullat e Procedurës që do të publikohen më 12 Nëntor 2018) në përputhje me sektorët e specializimit në vijim:

-Juridik (deri në 16 bursa në dispozicion)
-Administratë Publike (deri në 8 bursa në dispozicion)
-Ekonomik (deri në 8 bursa në dispozicion)
-Kulturë dhe Shëndetësi (deri në 8 bursa në dispozicion)

Per me shume informacione rreth ketij lajmi vizitojeni: https://eeas.europa.eu/delegations/kosovo/53252/node/53252_sq

RELATED PICTURES & VIDEOS

Me rastin e Ditës Ndërkombëtare kundër Homofobisë, Transfobisë dhe Bifobisë, Bashkimi Evropian riafirmon angazhimin e vet për të luftuar të gjitha format e diskriminimit dhe krimit të urrejtjes, në bazë të orientimit seksual, identitetit gjinor dhe karakteristikave seksuale dhe për të vazhduar të promovovimin aktiv dhe mbrojtjen e të drejtave të njeriut të personave lezbike, homoseksualë, biseksualë, transgjinorë dhe interseksualë (LGBTI).

Brenda dhe jashtë Bashkimit Europian, personat LGBTI shpesh janë objekt i dhunës dhe krimit të urrejtjes. Ata janë ende subjekt i shpeshtë i diskriminimit dhe keqtrajtimit në bazë të orientimit të tyre seksual, identitetit gjinor ose karakteristikave seksuale. Në shumë vende, pasja e një partneri të të njëjtls gjini mbetet krim. Njerëzit arrestohen, burgosen dhe në disa raste ekzekutohen vetëm për shkak të marrëdhënies së tyre. Edhe në vendet me mbrojtje ligjore të orientimit seksual, stigmatizimi për shkak të homofobisë, transfobisë dhe bifobisë mbetet i lartë, duke çuar në përjashtim shoqëror me kosto për shoqërinë që lidhen me ekonominë dhe shëndetin.

Viti 2018 është një vit i rëndësishëm për të drejtat e njeriut, ndërsa shënojmë 70 vjetorin e Deklaratës Universale të të Drejtave të Njeriut. Neni i saj i parë i parë thotë “të gjitha qeniet njerëzore lindin të lirë dhe të barabartë në dinjitet dhe të drejta”. Personat LGBTI nuk bëjnë përjashtim dhe BE do të vazhdojë të luftojë për “të drejta të barabarta për të gjithë” pavarësisht nga orientimi seksual.

Përmes kombinimit të dialogut politik dhe për të drejtat e njeriut, aktiviteteve të ndërgjegjësimit, ndihmës financiare dhe mjeteve specifike të politikave siç është “Lista e veprimeve të Komisionit Evropian për të avancuar barazinë e LGBTI” dhe “Udhëzuesin e BE për të promovuar dhe mbrojtur gëzimin e të gjitha të drejtave të njeriut nga personat LGBTI”, Bashkimi Evropian do të vazhdojë të adresojë diskriminimin dhe dhunën në bazë të orientimit seksual ose identitetit gjinor dhe të tregojë përkushtimin e Bashkimit Evropian për të avancuar barazinë e LGBTI në Bashkimin Evropian dhe më gjerë.
Bashkimi Europian i nderon sot të gjithë ata që punojnë për të promovuar dhe mbrojtur të drejtat e njeriut të personave LGBTI. Na lejoni ta ritheksojmë “Mbrojtës të të Drejtave të Njeriut, nuk jeni vetëm dhe Bashkimi Evropian gjithmonë do të jetë me ju”.

—

Vendet kandidate, ish-Republika Jugosllave të Maqedonisë*, Mali i Zi*, Serbia* dhe Shqipëria*, vendi që është në Proces të Stabilizim-Asociimit dhe kandidat potencial Bosnja dhe Hercegovina, dhe vendet e EFTA-s Islanda, Lihtenshtajni dhe Norvegjia, anëtaret e Zonës Ekonomike Evropiane, si dhe Gjeorgjia, rreshtohen pas kësaj deklarate.

* Ish Republika Jugosllave e Maqedonisë, Mali i Zi, Serbia dhe Shqipëria vazhdojnë të jenë pjesë e Procesit të Stabilizim Asociimit.

RELATED PICTURES & VIDEOS