EMRI I PROJEKTIT:

Avancimi i barazisë dhe diversitetit gjinor përmes eliminimit të diskriminimit me bazë gjinore në vendin e punës

SECTORI:

Shteti i së drejtës

VLERA E PROJEKTIT:

Kostoja totale e projektit: 215.000,00 € Kontributi i BE-së € 204.250,00

KOHËZGJATJA:

24 muaj Data e fillimit: 15 janar 2024 Data e përfundimit: 15 janar 2026

PARTNERI ZBATUES:

Qendra Kosovare për Studime Gjinore (bashkë-aplikues: Iniciativa Kosovare për Stabilitet)

PËRFITUESI I DREJTPËRDREJTË:

Përfituese të drejtpërdrejta të këtij projekti janë gratë, duke përfshirë ato nga pakicat e tjera etnike ose kulturore. Gratë që janë aktualisht të punësuara ose që kërkojnë punë janë grupi kryesor i synuar. Këtu përfshihen gra me prejardhje të ndryshme, si etni, mosha, nivele arsimore dhe aftësi të ndryshme. Burrat gjithashtu do të përfshihen në fushat e projektit si agjentë të ndryshimit.

PARTNERËT:

Iniciativa Kosovare për Stabilitet

MBULIMI/NDIKIMI:

Kosovo

OBJEKTIVI I PËRGJITHSHËM:

Veprimi i propozuar synon të identifikojë disa nga vështirësitë dhe sfidat aktuale në organizimin e tregut të punës në Kosovë, nga këndvështrimi i të drejtave të njeriut dhe diskriminimit me bazë gjinore. Nëpërmjet identifikimit të çështjeve kryesore, veprimi i propozuar do të listojë gjithashtu politikat dhe strategjitë publike më të përshtatshme për aktorët kyç, me qëllim ndërhyrjen në tregun e punës për të përmirësuar normat dhe praktikat ekzistuese, me fokus te grupet shoqërore të nënpërfaqësuara. Ky veprim synon grupet më të ndjeshme të shoqërisë në Kosovë, të cilat ndodhen në pjesën e poshtme të hierarkisë sociale dhe ekonomike, duke adresuar përfshirjen dhe respektimin e të drejtave të tyre si një parakusht që Kosova duhet të përmbushë në kuadër të procesit të anëtarësimit në BE.

QËLLIMET E PROJEKTIT:

Objektivi Specifik (OS) / Rezultati 1: Promovimi i barazisë gjinore, diversitetit dhe mosdiskriminimit si kulturë pune dhe parim bazë, i cili do të kontribuojë në krijimin e një mjedisi të sigurt për të gjithë. Objektivi Specifik (OS) / Rezultati 2: Sigurimi i implementimit dhe zbatimit detyrues më të mirë të ligjeve, rregullave dhe rregulloreve ekzistuese në nivel kombëtar, të cilat luftojnë diskriminimin e grave në tregun e punës, si në sektorin privat ashtu edhe në atë publik. Objektivi Specifik (OS) / Rezultati 3: Gjenerimi i fakteve mbi sfidat me të cilat përballen gratë e reja në tregun e punës, duke përdorur “taktikën” e testimit të situatës. Objektivi Specifik (OS) / Rezultati 4: Rritja e pjesëmarrjes së grave në tregun e punës, duke përfshirë gratë nga grupet e margjinalizuara. Objektivi Specifik (OS) / Rezultati 5: Forcimi i ndërgjegjësimit dhe të kuptuarit të mediave për çështjet e barazisë gjinore në punësim.

STRATEGJIA E PROJEKTIT:

Veprimi i propozuar synon të adresojë diskriminimin me bazë gjinore duke fuqizuar gratë nga komunitete të ndryshme për të sfiduar praktikat diskriminuese. Ky veprim përfshin një qasje të shumanshme, duke përfshirë konsultime me aktorët relevantë dhe shfrytëzimin e ekspertëve të fushës. Qasja e Bazuar në të Drejta (RBA), me theks të veçantë në mosdiskriminim, do të udhëheqë aktivitetet e projektit. Organizatat e shoqërisë civile, organizatat donatore dhe Zyra e BE-së në Kosovë janë partnerë kyç në avokimin për të drejtat e grave. Autoritetet lokale, si Institucioni i Avokatit të Popullit dhe Ministria e Financave, janë gjithashtu vendimtare për implementimin e ligjeve dhe politikave që marrin parasysh çështjet gjinore. Mediat do të luajnë rol të rëndësishëm në rritjen e ndërgjegjësimit. Metodologjia e projektit kombinon ndërhyrjet në nivel komuniteti me ndryshime institucionale dhe sistemike. Ky veprim ndërtohet mbi hulumtimet dhe përpjekjet e mëparshme për avokim, duke synuar përmirësimin e legjislacionit dhe politikave të barazisë gjinore. Projekti është pjesë e një Programi më të gjerë të hulumtimit dhe avokimit dhe do të koordinohet me iniciativa të tjera vendore dhe ndërkombëtare. Ky është një intervenim i mëvetësishëm, i menaxhuar në mënyrë të pavarur, por i përafruar me aktivitete të tjera dhe mësime të nxjerra nga implementimet e mëparshme.

AKTIVITETET:

Pako e punës 1: Programi i praktikës së punës për gratë e reja. Aktiviteti 1.1. Implementimi i programit të praktikës së punës për 15 gra të reja. Aktiviteti 1.2. Krijimi i Komisionit të Vlerësimit; Pako e punës 2: Avokimi për përmirësimin dhe zbatimin detyrues të kornizave ligjore në lidhje me barazinë gjinore dhe mosdiskriminimin në vendin e punës. Aktiviteti 2.1. Takime avokuese ballë për ballë. Aktiviteti 2.2 Grupi i fokusit. Aktiviteti 2.3 Dokumenti i qëndrimit. Aktiviteti 2.4. Takimi konsultativ i nivelit të lartë: Pako e punës 3: Punëtori për mediat mbi raportimin për barazinë gjinore dhe diskriminimin me bazë gjinore në tregun e punës. Aktiviteti 3.1 Organizimi i punëtorisë për mediat. Aktiviteti 3.2 Hartimi dhe miratimi i Deklaratës për Gazetari të Përgjegjshme Gjinore. Pako e punës 4: Grante për OSHC-të që avokojnë për diversitetin dhe kulturën e mosdiskriminimit në vendin e punës. Aktiviteti 4.1. Thirrje të hapura dhe sesione informuese për ndarjen e nën-granteve. Aktiviteti 4.2. Përzgjedhja e aplikuesve Aktiviteti 4.3 Takimi dhe mirëseardhja e përfituesve të nën-granteve. Aktiviteti 4.4 Punëtori mbi integrimin e perspektivës gjinore për përfituesit e nën-granteve. Pako e punës 5: Promovimi i ndërgjegjësimit mbi politikat dhe praktikat e barazisë gjinore, balancin punë-jetë dhe parandalimin e ngacmimit seksual. Aktiviteti 5.1 Koha për gratë (Time for Women). Aktiviteti 5.2 Takime socializimi. Aktiviteti 5.3. Prodhimi i podkast-eve. Aktiviteti 5.4 Përgatitja e infografikëve Aktiviteti 5.5: Publikimi i almanakut. Pako e punës 6: Testimi i diskriminimit dhe dokumentimi i tij në situata specifike. Aktiviteti 6.1 Përgatitja e “taktikës” për testimin e situatave. Aktiviteti 6.2 Kryerja e testimit. Aktiviteti 6.3 Dokumentimi i testimit. Aktiviteti 6.4 Publikimi i gjetjeve nga testimi. Pako e punës 7: Mbledhja e provave mbi diskriminimin me bazë gjinore në vendin e punës dhe efikasitetin e masave dhe mekanizmave qeveritarë de facto dhe de jure. Aktiviteti 7.1 Studimi fillestar (përcaktimi i skenarit bazë). Aktiviteti 7.2 Tryezë diskutimi për prezantimin e gjetjeve të ushtrimit të hartëzimit

REZULTATI:

Outputi 1: Shoqëria është më e vetëdijshme për rëndësinë e barazisë gjinore, diversitetit dhe mosdiskriminimit si kulturë pune dhe parim bazë, i cili do të kontribuojë në krijimin e një mjedisi të sigurt për të gjithë. Outputi 2: Janë analizuar dhe propozuar zgjidhje alternative të politikave për eliminimin e boshllëqeve ligjore ekzistuese, sigurimin e pajtueshmërisë me Direktivat e BE-së dhe adresimin e mangësive në mbrojtjen nga diskriminimi. Outputi 3: Të paktën pesëmbëdhjetë (15) gra të reja përfitojnë drejtpërdrejt nga veprimi i propozuar përmes programeve të praktikës së punës në sektorë të ndryshëm. Outputi 4: Të paktën pesë (5) organizata bazë (grassroots) përfitojnë grante për të avokuar për barazinë gjinore dhe mosdiskriminimin në vendin e punës si në sektorin publik, ashtu edhe në atë privat. Outputi 5: Të paktën pesëmbëdhjetë (15) përfaqësues të mediave në nivel kombëtar kanë rritur kapacitetet e tyre për të raportuar në mënyrë të paanshme dhe etike për çështjet e barazisë gjinore dhe diskriminimit gjinor në tregun e punës. Outputi 6: Implementimi dhe dokumentimi i “taktikës” së bazuar në fakte për të testuar situatat në lidhje me diskriminimin gjinor, duke shërbyer si referim për programet e ardhshme qeveritare.