TITULLI I PROJEKTIT:

Mbështetje për forcimin e menaxhimit të qëndrueshëm dhe shumëpërdorimor të pyjeve për përmirësimin e jetesës rurale dhe adresimin e ndryshimeve klimatike në Kosovë.

QËLLIMI I PËRGJITHSHËM:

Mbështetja për të rritur kontributin e sektorit të pyjeve në ekonominë e Kosovës dhe reduktimin e varfërisë në zonat rurale përmes menaxhimit efikas dhe të ndjeshëm ndaj gjinisë së pyjeve.

VENDI:

E gjithë Kosova

SEKTORI:

Bujqësia dhe Pylltaria

KOHËZGJATJA:

4 vite (1 Janar 2022 deri më 31 Dhjetor 2025)

VLERA:

EUR 1.5 milionë

AGJENCIA ZBATUESE:

FAO (Organizata e Kombeve të Bashkuara për Ushqim dhe Bujqësi)

PËRFITUESIT:

Ministria e Bujqësisë, Pylltarisë dhe Zhvillimit Rural dhe Agjencia e Pyjeve të Kosovës, drejtoritë për pylltari në nivel komunal, përdoruesit e pyjeve, ndërmarrjet e vogla dhe të mesme (NVM) të përfshira në aktivitetet pyjore dhe publiku i gjerë.

AKTIVITETET:

Krijimi i një task force për ligjshmërinë në sektorin e drurit në Kosovë dhe sigurimi i sekretariatit të saj; Fuqizimi i kapaciteteve të shërbimeve publike dhe pajisja për të zbuluar dhe parandaluar prerjen, transportin dhe tregtinë ilegale të drurit; Rritja e ndërgjegjësimit publik mbi çështjet e ligjshmërisë në sektorin e pyjeve dhe tregtisë së drurit; Monitorimi i zbatimit të kontratave mediatike dhe vlerësimi i ndikimit; Operacionalizimi i Sistemit të Informacionit të Pyjeve të Kosovës për vendimmarrje transparente në menaxhimin e qëndrueshëm të pyjeve; Organizimi i ngjarjeve rishikuese sektoriale dhe hartimi i raporteve për progresin në sektor; Mbështetja për zbatimin e Planit të Veprimit të Programit Kombëtar të Shëndetit të Pyjeve për të monitoruar dhe parandaluar shpërthimet e dëmtuesve dhe sëmundjeve; Mbështetja për zbatimin e Programit Kombëtar të Pyllëzimit dhe Ripyllëzimit, duke përfshirë gratë, të rinjtë, pakicat etnike dhe ndërmarrjet e vogla e të mesme rurale; Përmirësimi i prodhimit të fidanëve të pemëve gjetherënëse; Identifikimi i mundësive për promovimin e pylltarisë shumëpërdorimore: zona të pranueshme, madhësia e zonës së synuar, grupet e synuara (etnia, gjinia), sistemi i granteve dhe monitorimit, etj.; Mbajtja e trajnimeve praktike për teknikat e menaxhimit shumëpërdorimor, punët silvikulturale para-komerciale (rekreacioni, produktet pyjore jo drusore, pyllëzimi dhe ripyllëzimi i pyjeve të përziera, kujdesi, vaditja dhe prerja e parë); Zhvillimi i zinxhirëve të vlerës pyjore të ndjeshëm ndaj gjinisë për të reduktuar prerjen e paregulluar dhe uljen e varfërisë; Ndërtimi i kapaciteteve për parandalimin dhe gatishmërinë ndaj zjarreve në pyje dhe integrimin e tyre në planifikimin e menaxhimit të pyjeve; Trajnimi në vend të punës i 200 zjarrfikësve dhe vullnetarëve për parandalimin e zjarreve dhe punëtorëve të pyjeve publike; Blerja dhe shpërndarja e pajisjeve (fikëse zjarri portative, pompa, tubacione, etj.) dhe trajnimi i përdoruesve të fundit.

REZULTATET:

Përmirësimi i ligjshmërisë në sektorin e drurit, tregtisë dhe zbatimit të ligjeve në sektorin e pyjeve; Rritja e transparencës dhe forcimi i kapaciteteve institucionale për qeverisje të mirë dhe zbatimin e politikave, strategjive dhe programeve pyjore; Futja e menaxhimit shumëpërdorimor të pyjeve dhe zinxhirëve të vlerës gjithëpërfshirëse për uljen e varfërisë së grave dhe burrave në zona rurale.